Sherif - Happy 7'arouf

Happy 7'arouf

Sherif

Read more...

Rasha.Dafa - حكومه حدانا وحكومه حداهم ........ يالهوووووووووووووى

حكومه حدانا وحكومه حداهم ........ يالهوووووووووووووى

بلغه اهل الجنوب حدانا تعنى بجوارنا اى هنا وحداهم تعنى هناك ... " يعنى حكومه هنا وهناك " ما علينا تعالوا بينا نشوف حوار بين المواطن والحكومه وهيدور حول " ضريبه المبيعات والدولار والطاقه والعروبه والاصلاح "

" ضريبه المبيعات "

المواطن : وليه بقا يا حكومه ضريبه المبيعات ؟

الحكومه كل الحكومات فى الدول المتحضره بتفرض هذه الضريبه

المواطن : على كده عايزين مرتبات زى مرتبات الدول المتحضره ؟

الحكومه : وهو احنا زى الدول المتحضره فى الانتاج ؟

المواطن: طب ما هو الانتاج كله فى ايدك يا حكومه .. قطاع عام وخاص وكلوا كلوا يا حكومه

الحكومه: بس الشعب هنا كسلان .

المواطن : على قد المرتبات يا حكومه " على قد لحافك مد رجليك " يا حكومه

الحكومه : لا تـــــــــــــرد

" الدولار "

المواطن: الدولار يا حكومه قبل 52 كان ب 30 قرش وعبد الناصر سابه ب 65 قرش يعنى ارتفع 100% والسادات سابه ب85

قرش يعنى ارتفع 30 % ودلوقتى الدولار ب 5 ونصف تقريبا يعنى ارتفع 800% .... ايه السبب يا حكومه

الحكومه: المواطنين بيستهلكوا كتير وبيخلفوا كتير .

المواطن : ايوا يا حكومه بس احنا زدنا 100 % والاسعار زادت 1000%

الحكومه : كل اسعار زادت فى العالم عند الدول المتحضره

المواطن : ودخول الافراد زادت كمان يا حكومه بنفس النسبه

الحكومه : لا تــــــــــرد

" الطاقه "

الحكومه : لازم نرفع اسعار الطاقه والكهرباء والبنزين حتى تصبح كالاسعار العالميه

المواطن : وهى مرتبات هنا عالميه ده سعر البنزين ها يمنع الناس تركب عربيات وتروح شغلها .

الحكومه: احسن عشان زحمه المرور استعملوا المواصلات العامه زى الشعوب فى الخارج .

المواطن : بس المواصلات العامه ما تكفيش يا حكومه .. اعملوا لنا مواصلات عامه زى اللى فى الخارج والا مش هنروح الشغل

الحكومه : لا تـــــــرد

" العروبه "

الحكومه : نحن دوله عربيه ننتمى للعرب ماضيا وحاضرا او مستقبلا

المواطن : بس انتى فينك من العرب يا حكومه ولا العرب بس بيفتكروكى فى احزانهم وينسوكى فى افراحهم

الحكومه : اننا اصحاب مبادىء واخلاق

المواطن : ما فيش فى السياسه مبادىء واخلاق يا حكومه والا يعوزه البيت يحرم على الجامع

الحكومه : دول اوربا بيتحدوا اقتصاديا وسياسيا

المواطن : بس العرب عمرهم ما اتحدوا يا حكومه ولا عمرهم اتفقوا يا حكومه ولا بيساعدوكى اقتصاديا يا حكومه وكل اللى بتخديه منهم العادات القبليه والمنازعات والعوده الى عصور السلف يعنى ماعندهمش ديمقراطيه واحنا محتاجين لديمقراطيه وما عندهمش علم واحنا محتاجين للعلم ولا زراعه نستوردها منهم وكل اللى عندهم لغه فصحى ، واقوال لا تتوافق مع الافعال وشعارات وبعض الافكار السلفيه .

الحكومه : لا تــــــــــرد

" الاصلاح"

الحكومه: لابد من الاصلاح والصحوه الكبرى والالف يوم والتغير

المواطن: وايه اللى مانعك يا حكومه ايدى فى ايدك

الحكومه: انا بس اللى اقول امتى وفين وازاى ، عشان انا بس اللى عارفه

المواطن : وانا كمان من حقى اعرف يا حكومه، ما انا صاحب البلد بردوا زى زيك

الحكومه : انت عاوز تشاركنى فى الحكم؟

المواطن : ايوا يا حكومه . انا مبقتش اخاف وبعدين هو ده عيب ؟ ماهو ده بيحصل فى الخارج

الحكومه : وهو انت متعلم ومثقف زى الخارج

المواطن : ما انتى بقالك اكتر من 50 سنة مسئوله عن تعليمى وثقافتى ليه ما علمتنيش ؟ وليه ما ثقفتنيش زى الخارج ؟ انتى لا علمتينى ولا سيبانى اتعلم يا اخى ........ ؟

الحكومه: لا تــــــــــــــرد

RASHA . DAFA

Read more...

WeO - إعجوبة مصر السادسة - الكفتة

الكفتة

ينفرد المصريون عن غيرهم من الشعوب بالكفتة أو بمعني أدق و أوضح "الكفتجة" و طبعا أنا مقصدشي الكفتة اللي بتتاكل لإن دي بتتعمل في جميع أنحاء العالم و لكن الكفتة كصفة إنسانية ... و من صفات الكفتة هي الإستناد الساذج و العام لمفاهيم غامضة زي الجدعنة و العيش و الملح بدون تفسير معناها و نقضها في ظروف ثانية بدون بارضو تفسير أسباب نقضها لإن كل شيء في إطار الكفتة

و الكفتة مش بس بتتمثل في الأفعال و لكن أيضا الأفكار .. في ناس كفتجية فكريا زي اللي بيرددوا نفس الكلام اللي بيتقالهم من و هم عيال و بيشوفوا علي التليفزيون و في الشارع و من الكتب من غير ما يكونوا فكروا فيه و لو مرة و لكن في ترديدهم ده الإيحاء إن الكلام ده حقائق مطلقة و منها مثلا أفكار من نوعية 1- الراجل ميلبسشي فوشيا 2- الراجل مياكلشي لبانة 3- الست اللي بتشرب سجاير أخلاقها وحشة 4- أفلام الكارتون مؤامرة علي الإسلام 5- بعض رجال الحكومة الحرامية مش هيسرقوا زيادة عشان شبعوا 6 - بيع الخمرة من الكبائر و لكن بيع السجاير بالكثير أوي حرام و مشيها يا عم

و في بعض الأحيان الكفتة بتتجلي في مستوي أعمق و أخطر من كدة لإنك تبص و تلاقي إن الناس بتعيش في تناقض رهيييييييييب ما بين تصرفاتها و أفكارها و تجاربها الشخصية و الحاجات اللي هم المفروض يعتقدوا فيها ... و ده بيبقي واضح عند اللي بيسمي نفسه "مسلم علماني" أو "ليبرالي علي طريقة ابن حنبل" أو "أصولي عقلاني" الخ

و أخيرا بقي الناس اللي بتاخد الدنيا فهلوة و ده بارضوا من تجليات الكفتة اللي مهما إختلفت أو تشعبت هتتفق علي شيء واحد و هو إن الدنيا لازم تمشي يا عم "و متدققشي كثير" .. كل سنة و إنتم طيبيين

ملحوظة سرية :- البوست ده مثال أخر للكفتة

WeO

Read more...

WeO - كل سنة و إنتم بخير

كل سنة و إنتم جميعا طيبيين

أولا أحب إنني أعيد علي المسلمين بمناسبة العيد الكبير و علي الله تكيشوا فلوس كثير ... و بارضو كمان لإخوانا البروتستانت و الكاثوليك بمناسبة الكريسماس في 24 ديسمبر و إخوانا الأورثودوكس اللي لسة معرفوش إن النتيجة بتاعة يوليوس قيصر مكانتش
دقيقة و إن عيد الميلاد مش في يناير .. هع

و كل سنة و كل الناس طيبة بمناسبة العام الجديد 2007 و علي الله تبقي سنة جميلة عليكوم و علي الناس كلها ... ميرسي بوكوا

WeO

Read more...

Sherif - كيك اس - تي في

كيك اس - تي في

لاحظت منذ حوالي السنة ظهور قناة فضائية غريبة على قمر النيل سات المصري وشبه لي من الوهلة الاولى على اساس جنسية المذيعات المستخدمين بها (مستخدمين لفظ اقصده) و اللغة العامية المصرية المستخدمة, انها تتخذ مصر موقع لبثها و بعد بحث علمت انها تابعة لمجموعة سترايك ( راديو – مطاعم – فنادق (منتشرة في الشام ومصر مقرها بيروت – لبنان, في حين جهلت لفترة طويلة مصدر تمويلها و اصحابها و لن اخفي اني في الحقيقة كان يهمني جدا معرفة اصحابها لأنهم اساتذة في النصب و بيع الوهم المغشوش و قد علمت مؤخرا ان قناة سترايك تابعه للمغني مجد القاسم وشقيق الاعلامي بقناة الجزيرة الأخبارية فيصل القاسم السوريان الجنسية و تلك القناه في الحقيقة اتخذت من برامج المسابقات غطاء وهمي للنصب المقنن التي تقوم به, في حين يقع ضحية لها كل من تقع عينه على تلك القناة, فمن يسلم من براثن الاغراءات المادية الوهمية بلا ادنى شك, لن يسلم من اسفافات المذيعات المتمايعات و المتعريات لغويا و حركيا و بالطبع جسديا, الذين يستخدمون سلوكهم الانحرافي الذي كان على ما يبدو انه السبب في اختيارهم للعمل في تلك القناه المشبوهة.

الشئ المستفز ... اسف الاكثر استفذاذا لتعدد مصادر الاستفذاذ هو الاسئلة التافهة و الهايفة التي يتم التسابق عليها من اجل الوصول للقيمة الوهمية المرهونة بالاجابة على تلك الاسئلة و من امثلتها : ( شيء يوجد في الفجر مرتين وفي الضهر مرة واحدة ولا يوجد في المساء؟؟؟؟؟؟؟ ) و جائزة الاجابة عن هذا السؤال تصل الى 120.000 من الدولارات و بالرغم من سذاجة السؤال و عباطته بل و ان السادة الهايفين اللي بيرسلو رسائل التي تظهر في اسفل الشاشة يجاوبون عن الأسئلة الا ان احدا لا يستطيع الأجابة من المتسابقين.

و لن اخفي عليكم اني وضعت نفسي مكان الموهومين او السفهاء سمهم كما تشاء ليسو من بقيت افراد الأسرة,

و بالفعل اتصلت بالرقم المخصص للاتصلات من مصر و كان التالي:

" اولا رن جرس التليفون مرتين ثم رد عليا رسالة صوتية تعرف عن القناة مصحوبة بموسيقى و كده يعنى علشان يستهلكو وقت و يضيعو دقيقتين تلاتة ... مهو اصل الدقيقة بسعر الدولي, المهم و بعدين لقيتهم مسئلوش في اهلي و لا طلبو مني اجابة السؤال بل طلبو اني اتصل مرة تانية و اكتر من اتصالاتي علشان الكمبيوتر في كل مرة بيسجل رقمي و بعدين يعمل قرعة على رقم يتصلو به ليشترك معاهم و يجاوبهم على سؤالهم ....!!! يا ولاد المعفنة... يعني بس كلام فاضي مبيطلعوش على الهوا غير ممثلين يعودو يستعبطو على انهم مش عارفين اجابة السؤال الهايف و ده كله علشان يغروك لأنك تعرف الاجابة و محدش عارفها فتقوم زي الشاطر كده و يهفوك على قفاك و لا مؤاخذة لم يستنطعوك و تتصل بيهم...!! "

على فكرة بقى نوعية القنوات اللي بتقوم على المسابقات الوهمية ديكهية كتر اوي و بيزيد كل شهر, يظهر انها عملية مربحة قوي مهو طبعا الهبل كتير و الغلابة كمان بيدورو على القرش الأبيض في البحر الأسود....

لكن زي مبنقول....."الحداية مبتحدفش كتاكيت"

( طب و الله فكرة متيجو نعمل قناة لـ ايجيبتولوجيا....!! )

Sherif

Read more...

Tulip - التوربيني

التوربيني

والله انا مش عارفه ابتدي الموضوع ده ازاي و للا بايه....بس الاخ التوربيني ده هيجبلي ارتيكاريا....ساعات بحس انه بيصعب عليا...و ساعات بحس انه مجرم و يستاهل الرجم...لكن برجع اقول هل هو فعلا اللي مجرم..وللا البلد اللي احنا عايشين فيها دي هي اللى مجرمه...طبعا اكيد سمعنا عن الاخ توربيني ده و سمعنا عن مصايبه اللي كان بيعملها..و اكيد كلنا فكرنا اد ايه هو قاسي و اد ايه هو حقير..الخ
لكن انا لما فكرت..حسيت ان في جزء مني و لو بسيط رافض الحكم عليه هو..و لو في ايدي الحساب... فانا هحاسب الظروف اللى سورري في اللفظ بس لازم اوصفها بانها ظروف قذره..و البلد الاقذر..الصحف و البرامج والمجللات بيقولوا انه معقد..ماشى طاب ما في اي بلد محترمه المعقد ده بيتعالج..بس احنا اتتفقنا ان دي بلد قذره..اوكي...الائي بقه الشماعه الدائمه للحكومه المصريه ظهرت..لا يا عم ده بنيأدم مختل عقليا...و الوصف الدقيق فعلا ان دي شماعة مصر الاولي و الفريده من نوعها.. طبعا لانها اكيد مش موجوده غير في مصر..كل واحد يعمل مصيبه نقول اصلو مختل عقليا..مختل عقليا مين ده اللي يرتكب عدد كبير من الجرايم و ميتكشفش..يا حكومه عتيهه و متخلفه..مادام انتو بألكوا سنين مش عارفين المختل عقليا عامل ازاي..خدوها منني نصيحه لوجه الله..و لونكوا ماتستهلوش..بس ياللا انشالله ما عن حد حوش..اتفرجوا علي يوسف شاهين في فيلم باب الحديد..اهو هو ده اللي مختل عقليا..مش تقولولي التوربيني و امثاله...جتكوا نيله مليتوا البلد...ياللا بيات عليكو..

Tulip

Read more...

Tulip - الحب

الحب

الست سومه الله يكرمها قالتلنا: حب ايه اللي انت جي تقول عليه..انت عارف ابله معني الحب ايه؟؟

الله عليكي يا سومه و الله جبتي المفيد…عايزه اعرف بقي معني الحب في حياتنا بقي ايه؟؟و بقي عامل ازاي؟؟ انا بشوف اطفال و متصاحبين…و بيقولوا احنا بنحب بعض…طاب ايه اللي وصل الاطفال اساسا للصحوبيه…و ايه اللي خللاهم يربطوا ما بينها و بين الحب؟؟؟؟ ماشي..طب ناخدها واحده واحده…و نقول….هل معني الحب دلوقتي اننا نقيم علاقات مالهاش اي اساس اساسا و نقول بنحب…و بعدين خلينا نطلع من نطاق الاطفال و صحوبيتهم لانهم ابرياء اساسا و بيقلدوا الكبار…ده غير ان الموضوع عندهم مش هيتعدي تفكير الاطفال عن العلاقات البريئه جدا و اللي طبعا تختلف شكلا و موضوعا عن الاكبر منهم سنا….

و في كلامي انا ربط من غير قصد ما بين الصحوبيه و الحب؟؟ طب هل فعلا الصحوبيه عندنا مرتبطه بالحب؟؟ طب اسال حاجه كمان…هي الصحوبيه اساسا هدفها الوحيد الحب؟؟ و للا في اهداف تانيه….انا قريت استفتاءات كتير و لدهشتي الكبري

لقيت ان القصه مش قصة حب و بس..ده في حاجات غريبه اللي يقول التسليه واللي يقول الشهوه واللي يقول كل الناس كده طاب ليه مجرربشي و اللي يقول واللي يقول…المدهش في الموضوع انك تيجي تسأل المصاحب ده اختك مصاحبه يقوللك ده انا كنت اطمت رأبتها…طاب ليه كده يابني…ماحني اتتفأنا ان دي مشاعر مينفعشي ننكرها…

علي فكره انا و لا ضد الصحوبيه و لا معاها و في اعتقادي رأيي عنها و لا هيقدم و لا هيأخر….لكن اللي انا ضدوا بجد هو التقليد الاعمي للغرب…لان الموضوع ده بالذات ليه علاقه جامده جدا بالغرب…بس حتي تقليدنا ليهم جي بطريقه غريبه…يعنى مثلا انا وافقت اني اصاحب و ده طبعا في مجتمعنا مرفوض نظرا للعادات و التقاليد الموروثه…طيب بس احنا هنقلد هنقلد….خلاص انسي بقي كل حاجه عن العادات دى…و بعدين هتلغي العادات دي من عندك يبقي تلغيها من بيتك و من امك و من اختك و من ابوك…لانني لو هغير…يبقي لازم اغير من كله….مش اغير علي نفسي و الباقي لأ…عشان كده انا بقول انا ضد اي حاجه تتعمل من غير اساس او تفكير…..

سيبنا بقي من الصحوبيه و العادات و التقاليد و التقليد…..الخ…..الخ…..الخ….

نرجع للحب …..طيب مالاحسن بدل مانا عماله اكلم نفسي كده و هيجيلى النننح من بدري و انا لسه واللهي في عز شبابي…ما تقولولي ايه رأيكم في الحب….اكيد الحب بعيد كل البعد عن اللي انا شايفاه دلوقتي…و اكيد برده مش هو اللى بيبقي في اخر كرسي في السينما ميد نايت…..ولا اللى عند سور الجنينه….انا حسه اننى قديمه قوي…..و ممكن كتير يفتكروني هايفه و تافهه و ان ده موضوع قديم مثلا….بس بيتهيألي ان عمر مالحب هيبقي حاجه قديمه او تافهه او هايفه….بيتهيألي انه من اسمي المشاعر و انبلها علي الاطلاق….و بيتهيألي اني لو فضلت اوصف فيه اكيد هعد اوصف فيه من هنا لبكره و هيبقي لسه في كلام كثير ماتقالشى و كلام لازم يتقال و برده مش هنوفيه حقه…..في الاخر بقي عندي كام سؤال….

1-ازاي احس انى بحب بجد؟

2-وازاي افهم مشاعري حقيقيه وللا لا؟

3-طاب في كتير بيحبوا بقلبهم و في كتير بيسبأهم عقلهم….طاب هو العقل ده اساسا ممكن يحب و للا ربنا خلقلنا قلبنا عشان نحب بيه؟

4-طاب ليه العقل دخل في قاموس الحب اساسا؟؟ وللا البيئه الماديه اللي احنا عايشين فيها هي اللي فرضت علينا وجود كلمت العقل في قاموس الحب؟؟؟

اسئله كتيره و متعبه……بس انا برده مصممه ان في حب و حب حقيقي….حب نزيه…بعيد عن الماده….و بعيد عن العادات….و بعيد عن التقليد….و بعيد عن اي حاجه تافهه….لانه اسمي من كل حاجه…و اعلي من كل عقل و تفكير….ده حب القلب الكبير….

Tulip

Read more...

Rasha.dafa - امس واليومٌ

امس واليوم

عندما كان "سعد زغلول" يحكم كانت البلاد تغنى بلادى بلادى لكى حبى وفؤادى . وعندما كان " النحاس باشا" يحكم كانت البلاد تغنى " شمس الاصيل " للسيده ام كلثوم وايضا كان " عبد الوهاب " يلحن الكرنك . وعندما " محمد نجيب يحكم كانت مصر تغنى " بالاتحاد والنظام والعمل " وعندما كان " جمال عبد الناصر" يحكم كانت مصر تغنى " وطنى حبيبى الوطن الاكبر" وعندما كان " السادات يحكم كانت مصر تغنى " مدد مدد شدى حيلك يا بلد " والان مصر تغنى " انا بحبك يا حمــــــــــار " بقياده الزعيم سعد الصغير.. " "

...............................................

RASHA.dafa

Read more...

WeO - الثعبان السريلانكي

الثعبان السريلانكي

لما تلاقي الدنيا هص هص
لف حوليك و دور و بص

ممكن يبقي مستخبي ثعبان
جوه جلد و عضم إنسان

يصعب أوي عليك لما تشوفه
بس ده مجرد واحد من وشوشوه

لإنه في الحقيقة لئيم و خوانجي

البصباص , الثعبان السريلانكي !!!!



ملحوظة ..
أتمني من قراء البلوج إنهم ينفضوا للبوست ده تماما, شكرا

WeO

Read more...

WeO - Teenage Mutant Ninja Ikhwangis !

Teenage Mutant Ninja Ikhwangis
wooooha !

I've always thought that despite how much cunning and politically correct a religious fanatic political party could get; it will always be put in a position where their tactics were fail someway or the other, and consequently, their hidden agenda will show its face or at least people would be able to have a quick glimpse at it before it is covered with tons of easy to buy nonesense ..

The Muslim Brotherhood, however, has outdone every other fanatic political party that I am aware of ! I mean everyone knows that the Muslim Brotherhood are playing the Taqiah game. Taqiah for those who wish to know ; is the principle that justifies lying if it will bring on a greater good !

Of course what constitues good and bad is relative ; at least in the political world ; so when they claim they respect "Human Rights" ask yourself which Human Rights exactly ??? Everyone has his or her own definitions of Human Rights and I bet the United Nations charter which protects homosexuals, absolute freedom of/from religion, free press, democracy, equality and citizenship is not part of it ..

I have nothing new to say about the Muslim Brotherhood; I am not even interested anymore to talk about their history which by the way you should know in case you are a leftist humanitarian naive idiot who thinks that everyone should get a shot ! (unless of course a huge shot of cianide right into the ass!) ..

So what is this all about, you might ask .. and let me hereby confess that the Brotherhood has brought me back, at least for this one time, the interest to once again mock their funny political accents !

A couple of days ago some student in the Azhar University, who belong to the Muslim Brotherhood, made a huge demonstration inside campus. Of course this is nothing new .. What was exceptional this time that the maggots were wearing pathetic Hamas militia uniforms while performing a "military" demonstration showing their fighting abilities ...

Now forget about the fierce warriors with huge bellies that were in the pictures , their lousy formation or the almost smelled scent of too much testesterone drifting into their numb minds .. The fact that they actually made something like this is even more pathetic .. I mean what the fuck are they thinking ?? What is this demonstration of "power" is supposed to mean or whom is it threatening ???

FINISH HIM !!!

I'd say it must be threatening to me .. I personally don't like the idea of being slaughtared the Islamic way because I have different political beliefs, or even worse, just beliefs that are contradictary to their own ! But could they take down a mighty Egyptian force formed with one of the best armies in the reigon and a huge police force probably just as huge ?? Of course not .. At least not with those pathetic sexually frustrated students !


What scares me the most is that I know that while in the Muslim Brotherhood there are many who believe that violence must not be an option ; there are many who seem to be shunned with the current semi-peaceful strategies of the hood .. Such people won't give a damn if they put the country into turmoiles of secterian violence and terrorism at any cost or no cost, if the right circumstances exist !

Secret Aspiration !

In case you were wondering were the Muslim Brotherhood got their aspirations .. I've heared rumors that have been backed up recently ; reports are .. Teenage Mutant Ninja Turtle Raphael has joined the Muslim Brotherhood just recently. Whether if it is for the money or personal issues is still uncertain. Here is an underground picture taken secretly for the cartoon world icon !


May this country be blessed; for despite all its flaws ; is worthy of being safe and peaceful home for everyone .. (7ad ma3ah Green Card ye3mely Invitation?)


WeO

Read more...

Tei7a - اسكندرية واحشاني

اسكندرية

عايز اخلص امتحانات و اطير علي اسكندرية.....ادعولي

ابن عمي بيقول "انا اسكندراني اولا. و بعد كدة اي انتماء تاني ييجي." و الصراحة عندو حق

ديه شوية صور من اسكندرية ,شوفوها واعرفوا قصدي ايه

دوس علي الصور عشان تشوف الحجم الطبيعي

المتوسط!

القلعة...

جامع سيدي ياقوت العرش! اسمه حلو اوي

خبرة فالتصوير باردو

الشارع

حد يصدق ان المنظر ده عندنا

يبقي انت اكيد, اكيد في مصر

اتفضلوا عصير!

Read more...

WeO - أين أنت الان يا قدري؟

أين أنت الان يا قدري؟

أين أنت الان يا قدري ؟
و بإسم أي رب أناديك؟

و إذا أفقدني البحث بصري
فهل سأكون لك بقريب ؟

أم كنت أنا ضال واهما
يوم ظننت أن لك بريق؟

بينما ما أنت إلا أمل المسكين
المارد المريض تاجر العبيد

ً

WeO

Read more...

Rasha - المثل الاعلي

المثل الاعلي

اكيد كل واحد فينا اتسال السؤال ده علي الاقل مره في حياته, مين مثلك الاعلي؟....وانا بصراحه مكنتش بفهم مغزي السؤال قوي لاني كنت دايما بقول مفيش, يمكن عشان كنت بعتقد ان معني السؤال هو, مين الي تحبي تكوني زيو؟...وانا مش عاوزه اكون حد, و يبقي شئ هايل لو اكون نفسي......و برغم ان معني السؤال في معظم الاحيان كان الي انا قولته سابقا.....ولكني قررت ان انظر للسؤال بطريقه مختلفه,السؤال ممكن يكون معناه مين الشخص او المؤسسه او الدوله الي عملو حاجه انت حسيت انها عظيمه و الهمتك بافكار او بنظام معين اتغير بيه جزء من تفكيرك او اسلوبك في الحياه............

و لكن هل المثل الاعلي بينجح انو يغير حياتك للافضل ؟...

و عشان اوضح الصوره, هحكيلكو حكايه واحد اسمه "جعيدي بن المطيز", جعيدي ده واحد اجداده عظماء و كانو ناس جامدين اوي و لكن للاسف ماتو اجداده و سابو لجعيدي شويه ارض علي شويه مباني علي بركه يمشي بيهم حاله....و سنه ورا سنه و لقينا جعيدي حايس في الورث و مش عارف يعمل بيه ايه و لان في ناس كانت طمعانه في ورثه و لقاهم ناس كمل كان اسمهم "سيكا سيكا" و ينفعو يكونو مثل اعلي قال و ماله اسيبهم يديروا املاكي بلا وجع قلب, وفضلت اداره "سيكا سيكا" حبه حلويين و عملو حاجات كويسه اوي في الاملاك و لكن بما ان "سيكا سيكا" بيحبو الفشخره و المكرونه اتضحك عليهم من مثلهم الاعلي "طانيا" و طانيا دي كانت و لاتزال موزه ذكيه اوي و كانت بتعرف ازاي توسع اراضيها و املاكها و كانت اذكي من "فرنشيسكا" الي كانت موزه احلي بكتير و لكن كانت مهتمه بالثقافه و قيمه التراث بتاع جعيدي اكتر من الموارد و خسرت المعركه....."طانيا" فضلت قاعده تدير املاك جعيدي و تحتها اولاد "سيكا سيكا" مده طويله اوي... و ما عملتش حاجه في الورث, كانت بتغرف منه هي و تدي ل"سيكا سيكا" جزء و ل اولاد جعيدي الي يادوب يعيشهم.....و لكن اولاد جعيدي حسو انهم عاوزين ورثهم من تاني و قالو يلا ناخده منهم و نطرد "طانيا" و سيكا سيكا"...و بعد ما طردوهم قاعدو يفكروا احنا عاوزين الورث يكبر و نعتمد علي نفسنا في تكبيره.....و لقو واحده, مثل اعلي, عاوزه تقف جنبهم ضد "طانيا"و "فرنشيسكا"و "ايكا"و "اسماعيل"......اسمها"سوفيكا" , و دي باه كانت موزه جامده جدا و قويه و نظامها في اداره ورثها الهم اولاد جعيدي انهم يعملو زيها و تكون هيه مثلهم الاعلي,.. و برغم ان ارض جعيدي كانت تصلح للزراعه و لكن لان "سوفيكا" كان نظامها صناعي فا اولاد جعيدي قالو يبقي لازمن و حتما نجلبه (نقلبه) صناعي.....و فات وقت كتير و لكن ولاد جعيدي لانهم ماعندهمش اي خبره في اداره الورث و بيبوصو تحت رجليهم فشلو في تطبيق نظام "سوفيكا"...و احتاجو انهم يستلفوا محاصيل زراعيه من الاخت "ايكا" ,الي امبسطت اوي من اولاد جعيدي لانهم اتصالحو مع البوي فريند بتاعها "اسماعيل", لانهم كانو حولو معظم اراضيهم صناعي......و لا يزال ورث جعيدي حتي الان تحت حكم اولاده, واصبحت "ايكا" هي مثلهم الاعلي لانها واقفه معاهم وقفت رجاله و بتدي عيالهم لبسها القديم و بتعزمهم علي العشاء كتير, بشرط انهم يبقوا صحاب مع شلتها "طانيا"و "اسماعيل" و انها تشاركم في اداره ورثهم.....و اولاد جعيدي حتي الان حايسين مش عارفين يستخدمو نظام اداره "ايكا" او "سوفيكا" او "فرنشيسكا",الي بتموت في اولاد جعيدي, لانهم مش فاهمينه...عاوزين ياخدو منظر عشان يبقي اسمهم عندهم نظام و بس ....و الغريب في الامر ان لا جعيدي و لا اولاده عمرهم اخترعوا نظام لنفسهم ....عمرهم ما فكرو بعقلهم ...استسهلو انهم يشتروا انظمه و ياريتهم عرفوا يقلدوها ....و المثل الاعلي كان بالنسبه لهم حد ياخدو افكاره و يطبقوها تطبيق اعمي سواء كانت مناسبه لحياتهم او لا ....عمرهم ما فكروا ان المثل الاعلي ممكن يكون الهام و فكر ممكن اخدو و اعمل بيه فكر خاص بيه انا و بالطريقه الي تناسبني ....ياريتهم عملو زي مستر"شاين"الي نجح انو يكبر عقاراته وورثه مستخدم الانظمه التي تعتبر مثل اعلي و خدها ووظفها لمصلحته..........

و دلوقت يا اولاد جعيدي بن المطيز.....مين مثلكم الاعلي؟...و ليه؟......و هيغير ازاي في حياتكم و في الشخص الي انتم عاوزين تكونوه؟ و هل هيكون طريقه استخدامكم ليه زي جعيدي و لا زي مستر "شاين" و لا زي اجدادكم الي ماكنش عندهم مثل اعلي و لا بصو لحد غيرهم ولكن كانو هما مثل اعلي لكل الناس و في كل المجالات............؟؟؟

Rasha

Read more...

Egyptologia's New Friend "Rasha.dafa" - المخرج عاوز ......... كده

يسر و يسعد إدارة Egyptologia
تقديم مشاركة جديدة من صديقة جديدة للبلوج " Rasha.dafa " التي ارسلت الينا عن طريق ايميل البلوج راجين ان تنال اعجابكم, كذلك لا يسعني الا ان اشكر مشاركة أصدقاء البلوج... و الله الموفق,,

المخرج عاوز ......... كده!!

واحنا اطفال كنا كل اما نتفرج على فيلم ونلاقى مشهد مثلا مستفذ او مش مفهوم كانوا يقولولنا كلمه شهيره " اصل المخرج عاوز كده " طيب تعالى بقا بيا نشوف المخرج ده زمان كانت الافلام ليها طعم ليها قصه وكنا نستنا الفيلم الى بنحبوا ونقول هو هيجى امتا عشان نشوفوا مع اننا ممكن نكون شفناه الف مره لكن كان بيدى معنى كان فى قصه كان الممثلين ايامها عندهم فن عندهم احترام . لكن تعالوا بينا كده بقا نشوف المخرج ده عاوز ايه مننا الايام دى . الايام دى يا جماعه وعاوزه اصرخ باعلى صوت عندى واقوا الفن باظ الفن بقا فى الكليتش بلغه المكانيكيه الصراحه يا جماعه الفن بقا عامل زى العربيه الخربانه الى عمرها ما هتصلح واللى غلبوا المكانيكيه فى تصليحها لكن هنعمل ايه بقا اادى الله واادى حكمتوا عيونا باظت من الهم الى بنشوفوا من الافلام الهباب وودننا خربت من الهجس اللى بنسمعوا . استعدوا بقا للمفجأه الكبيره مفجأه العيد وافلام العيد وما ادراك من افلام العيد بعد اما سبنا محمد سعد بافلاموا اللى وشها زى قفاها وعمانا بالمبى واللى بالى بالك وبوح وزفت اللى بنشوفوا واللى بنسمعوا جه بعدوا بقا الفنان وكلمه فنان هنا لم تعنى بمفهومها الصحيح ولكنها تعنى بمفهوم اخر .....( اذهب الى المعجم ) وهذا الفنان من افلاموا القادمه فيلم يسمى قصه الحى الشعبى بطوله نيكول سابا وسعـــــد الصغير الصراحه يعنى نيكول وسعد قايمين بالليله سعد يغنى ونيكول ترقص ومجموعه من الموزز حوليهم بيرقصوا بالميوهات البكينى وياريتهم يعنى موزز لكن دول خلل تعالوا بقا نشوف بيغنى اغنيه ايه بيغنوا اغنيه السيده القديره / أم كلثوم فى اغنيتها الرائعه ومن احلى الالحان والكلمات أغنيه " فات الميعاد" بيغنوها بطريقه بجد مستفذه ومع تداخل بعض الكلمات التى ليس لها اى معنى وبرقصات مستفذه للغايه بالميوهات وايضا بالبس فرقه حسب الله بجد يا جماع الفن باظ ومبقاش فى رقابه ولا زفت هو ايه الى بيحصل ده وتعالوا تانى بردوا نشوف فيلم بردوا نازل على العيد " يسمى " ايظن " بطوله مى عز الدين وحسن حسنى وحميد الشاعرى مى الفانه الرقيقه الجميله طالعه فى دور راقصه ويارتها راقصه محترمه دى غير محترمه بالمره بتقول كلام مينفعش انوا يتقال اصلا كلام غير مهذب واخجل انى اقوله بجد المخرج مش عاوز كده لا ده عاوز يتن.........................

افهموها انتوا بقا

Egyptologia’s New Friend

RASHA.dafa

Read more...

WeO - في حاجة غلط

في حاجة غلط

في الصيف الماضي قام بعض مسئولين الأمن في المطارات الأمريكية بإقتراح أن يتم تدوين عرق المسافرين كمعلومة أمنية بل و التدقيق مع بعض ممن يشتبه فيهم بناء علي هذه المعلومة .. و بالطبع لاقي هذا الإقتراح القبول من بعض الناس و لاقي رفض شديد من البعض الأخر ... و سوف نستعرض سريعا وجهات النظر لكل منهم

الموافقون علي التصنيف العرقي يقولون أنه في السنوات الماضية كانت غالبية الهجمات الإرهابية علي أراضيهم تتم من قبل المسلمون و العرب (كمثال هجمات 11 سبتمبر في الولايات المتحدة, تفجيرات السابع من يوليو في بريطانيا, الهجوم علي المدارس الروسية الخ) و بالتالي بمبدأ النسبية و التناسب يكون من المنطقي أن يتم التدقيق في الراكبين الذين ينحدرون من أصول عربية أو شرق أوسطية عامة !

National Review Online و هو كاتب في جريد (Jack Dunphy)
يقول

هناك حقيقة مؤسفة تتجلي لمن سيأخذ في الإعتبار جرائم القتل كمثال محوري لجرائم العنف و هي أن من بين الستمئة جريمة قتل التي حدثت في لوس أنجلس قام بـ90% منها أمريكان سود و لاتينين في عام 2002

و هذا المثال يقصد به التوضيح أن التصنيف العرقي, سواء أردنا أم لا, يشير إلي أن هناك من الناحية الإحصائية قابلية أكثر لأفراد منحدرين من عرق معين أن يقوموا بأعمال عنف مقارنة بأعراق أخري

المعارضون لهذا التصنيف العرقي يقولون أن المجتمع الأمريكي لا يتحمل مثل تلك التفريقات العنصرية التي سوف تقوم بالتمييز بين أبناء الوطن الواحد أو ضيوفه مما يزيد من الإحتقان الديني و الإنقسام الإجتماعي .. و يقولون زيادة علي هذه التوابع السلبية أن هذا لن يحمي الطائرات الأمريكية لأن العرق ليس هو المحفذ علي القيام بالأعمال الإرهابية .. (بدليل تفجيرات أوكلاهوما)

San Francisco Chronicles الكاتب في (Jack Glaser)

يقول

"لأن التصنيف العرقي قائم علي إتباع الناس المنحدرون من عرق معين بينما هناك عوامل أخري من الممكن أن تكون سببا أكثر دقة في الإشتباه .. يكون التصنيف العرقي بدون جدوي .. بل و الأسوأ هو أن المجرمين من الأعراق الأخري قد يتشجعوا في التصرف خطأ خاصة و أنهم يعلمون أن إحتمالية مداهمتهم أصبحت أقل


...... خد نفس طويل بقي و ركز أو ركزي معايا ...

إيه أهمية الكلام ده للإنسان المصري ؟؟ اللي باين كدة و لا حاجة .. أنا شخصيا عمري ما رحت أمريكا و لا عمري سافرت بره مصر و ماظنش إن الكلام ده هيأثر فيا بأي شكل لإني مش ناوي أسافر قريب .. قمال الحدوتة الطويلة دي بقي علي إيه ؟؟

أنا شايف أن الموضوع ده مهم لإنه في الحقيقة متعلق بينا جدا لإن الناس اللي هم عاوزين يدققوا فيهم بناء علي العرق ده هم من الأخر العرب و المسلمين : و ده طبعا زي ما الأخ جاك جلاسير بيقول مش العامل اللي بيخلي الناس ترتكب جرائم و هو معاه حق .. لون الإنسان أو إنحدراه لعرق معين مالوش دعوة الإنسان ده مسالم و كويس أو العكس و مش هي دي أصلا القضية .. المشكلة هي في العوامل الثانية اللي إتكلم عليها جاك : و هي حقيقة ممكن تشوفها بعينك زي ما أنا شفتها و لاحظت إن ... فعلا في حاجة غلط عندنا

أيوا مفيش مجتمع مثالي و مفيش إنسان مثالي و كل شعوب العالم فيها عيوب و لكن خلينا في نفسنا في الوقت الحال ..
كام واحد نزل في مظاهرة إحتجاجا علي الأرهاب اللي قتل سائحين أجانب و مصريين في سيناء ؟؟ طب بلاش .. كام مظاهرة إتعملت أصلا إحتجاجا علي الجرائم البشعة دي و لو مش من باب الثورة علي وحشية مرتكبين الجرائم دي يبقي من باب الدفاع عن سماحة و إعتدالية الإسلام زي المظاهرات الكثير ياما اللي قامت في الميادين و النقابات و الجامعات أيام أزمة الرسوم الدنمركية ؟؟ كام واحد من الناس اللي متضايقة من إن يتم تصنيفها في المطارات علي أساس عرقي حاول في يوم من الأيام إنه يحتج بالقول و الفعل علي أبناء عقيدته الي بيقتلوا الناس بإسمها ؟؟

أيوه مفيش شك إن الفقر و سياسات القمع و الترهيب و الفساد و التخلف اللي إحنا عايشين فيه من أسباب إن الناس تسيب حياتها و تنضم لجماعات تكفيرية : أو إنها علي الأقل تعتنق فكر متطرف بيبيح إهدار دم الناس المختلفة عنهم .. و لكن هل ده معناه إن هي دي العوامل الوحيدة ؟؟ لأ يا مستر جاك .. أعمتك الليبرالية و الإنسانية اليسارية الكدابة

الثقافات أيضا تؤثر علي الناس و حتي أوضاعهم هذه تؤثر عليهم و يجب وضعها الإعتبار .. حد يقوللي في العشر السنين اللي فاتوا : العمليات الإرهابية في أوروبا و أمريكا و العالم كله تقريبا قام بالكثير أوي منها مين ؟؟ ... مسلمين و عرب !! .. أيوه مفيش شك إن إسرائيل تمارس إرهاب الدولة و أن في إرهابيين و أصوليين مسيحيين و يساريين و ملحدين .. أيوه الكلام ده كله صحيح : و لكن لازم بارضو تميز أنا بعض الثقافات, أو سميها أوضاعهم الأخري, بتحفز الناس علي القتل و الإحتقار للأخر !! بدليل إن بن لادن و أنصاره في الطبقي الوسطي لا كانت أوضاعهم سيئة و لا يحزنون

الموضوع هو ببساطة إن الطبيعي جدا إن أي كيان في العالم يدافع عن نفسه و أي كيان في وقت القوة هيبقي له موقف و في وقت الضعف هيبقي ليه موقف ثاني و حط نفسك مكان المسئول في المطار : في حاليا تهديدات بالقيام بأعمل إرهابية وقت الأعياد : فكدة و لا كدة لازم هيفتح عينه علي الناس كلها و لكن لقي مثلا زائر أفغانستاني إسمه محمد عبد الجبار بارد برود الثلج و واثق جدا من نفسه و لقيت زائر أسباني إسمه بابلو فرنسيس مطول شعره و داخل مع مزة لابسة فرنش كات, هتشك في مين أكثر ؟؟؟

المهم إن في بعض الإخوة العرب و المسلمين زعلوا أوي من الموضوع !!! هههه طب هم زعلانين علي إيه ؟؟ طب ما تقريبا في كل الدول الإسلامية في تفرقة علي أساس ديني و بيتم كتابة الدين علي البطاقة و في إمتيازات موجود عن طائفة مش بتبقي موجودة عند طائفة ثانية .. إيه بقي المشكلة ؟؟ بتتكلموا عن حقوق الإنسان و المساواة ليه وقت مش تطبقوها في بلدكم و لا أصلا فرقت معاكم وقت كنتم إنتم في موضع القوة ؟؟

القضية مش قضية دينية مطلقة لإن في فرق مابين الدين و الثقافة و في فرق مابين العرق و الثقافة و لكن بلاش نضحك علي نفسنا .. لا سكوتنا علي الإرهاب وقت ما بنتكلم في ظروف أخري حلو أوي بيساعد إنه يحسن الصورة و لا الناس اللي طالعة من عندنا تكفير و تحقير في العالم كله بيساعد و لو عاوز رأي كدة و لا كدة هي مش فارقة لإن خلاص دي حرب !!!!! بس كده

WeO

Read more...

Tei7a - يا رب خدهم

اضغط لتري باقي الصور. صورة لـ ناصر نوري

هذه الصورة تلخص الانحدار الذي وصل إليه المشهد السياسي في مصر. ديه صور لكتيبة الاخوان فرع الازهر. حوالي خمسين من "الطلبة" المنتمين الي الجماعة قاموا بعرض عسكري اعتراضا علي فصل زملائهم بسبب مشاركتهم في اتحاد الطلبة الحر.

الظريف في الموضوع ان الاستاذ المرشد (مرشد علي ايه بالظبط) انكر وجود اي ميليشيات للاخوان و قال ان الطلبة في الصور كانوا لابسين كدة علشان بيعملوا مسرحية عن المقاومة في فلسطين!!

الصراحة مش عارف ازاي في بني ادم يقدر تكون عندو كل هذة المقدرة علي الخداع و التضليل. لكن هقول ايه, ماهو الاب الروحي للمطيزون في الارض.

والله الاخ المرشد ممكن يكون فاكرنا مختومين او عبط, علي طريقة طز في مصر وابو مصر و اللي في مصر. لكن اظنه معتمد علي الخرفان اللي هايقولوا امين علي اي حاجة يقولها عملا بمبدأ السمع و الطاعة. وإلي كل واحد صدق كلام الاستاذ المرشد احب اهنيه علي حصوله علي درجة الخروف

*المزيد من التحليل علي ايجيبتولوجيا قريبا.

Read more...

Tei7a - عبث الأقدار

عبث الاقدار

من البداية إلي النهاية

هو قدر لا افهم كيف يفكر, و لا كيف يقرر ان يرفع شخص إلي السماء او ان يخسف به الي جحيم الارض و براكينها......

هو قدر وجب علينا ان نرضي به, و ان نعظمه و نوقره, و نحن لا نعلم حتي اذا كان علي دراية بوجودنا, او بآمالنا او بأحزاننا و بمصائبنا.

هل سمع احدكم برواية عبث الاقدار. هل الاقدار تعبث بالبشر, بمشاعرهم و بمصائرهم. لماذا تأتي الكوارث الطبيعية لتقضي علي الطيبين و الطيبات في الارض؟ لماذا يولد بعض البشر بموهبة السعادة و يولد البعض الاخر ليحيا حياة يغطيها الاكتئاب من كل ناحية؟

انظر حولي فأجد ان العدالة مفقودة و ان النظام الذي يدعيه البشر هو نظام مزيف, لا يوجد إلا في العقول التي اعتصرها الخوف من المجهول. ثم اسأل نفسي, هل ارضي ان اعيش وهما مثل الآخرين ام اخرج خارج السور لأواجه مصيري منفردا.

ربما يكون اجمل ما سمعت من الشعر العربي هي طلاسم ايليا ابو ماضي حيث يعلن للعالم اجمع انه لا يعلم ولا يفهم شيئ عن الحياه, او بالأخص عن القدر (ربما يكون من العرب القلائل الذين يعترفون بجهلهم). يقول ايليا

إنّ في صدري، يا بحر ، لأسرار عجابا

نزل السّتر عليها وأنا كنت الحجابا

ولذا أزداد بعدا كلّما أزددت اقترابا

وأراني كلّما أوشكت أدري...

لست أدري!

ماذا اقول عن ايليا؟ هل هو واقعي ام يائس؟

و في مقطع اخر يتحدث ايليا عن محاولته للبحث عن مخرج للمعضلة.....

قد دخلت الدّير عند الفجر كالفجر الطّروب

وتركت الدّير عند اللّيل كاللّيل الغضوب

كان في نفسي كرب، صار في نفسي كروب

أمن الدّير أم اللّيل اكتئابي؟

لست أدري!

الحل الجاهز ظريف, لكنه غير مناسب لكل الناس

Read more...

Egyptologia's Author Of November

Egyptologia Congratulates The Winning Authors For

November

And Thank Everybody Voted For Them

Read more...

Wael - و إيه أخرتها يا معارضة ؟؟

و إيه أخرتها يا معارضة ؟؟

إبان الحرب الأهلية في لبنان (1975 - 1990) وصل معدل التضخم 100% و الإنتاج القومي إنخفض بنسبة 50% و بالتالي إرتفعت معدلات البطالة و إنخفض مستوي المعيشة للفرد ... بعد إنتهاء الحرب لم يتشجع المستثمرون في العمل في لبنان و إزادت ديونها حتي وصلت لما يقرب من الـ 30 مليار دولار .. و لكن علي الرغم من ذلك تحسنت الحالة الإقتصادية بسبب الإصلاحات الإقتصادية التي تبنتها الحكومة اللبنانية و اللجوء إلي الخصخصة و الإنتفاح الإقتصادي بجانب إزدهار السياحة ! لم يكن الوضع علي الإطلاق ورديا و لكن كان هناك تحسن و كان هناك إتجاه عام للإستقرار و التنمية و لكن ..... ه

في صيف 2006 عبرت قوات حزب الله و قامت بخطف جنديين إسرائليين و قتلت بضعة أخرين علي نفس نهج حركة حماس الذي دكت بغرة أيام قبل أن يقوم حزب الله بنفس الشيء .. ماذا كانت النتيجة ؟؟ قامت القوات الإسرائيلية بالرد اللاإنساني و الوحشي علي جنوب لبنان مما أودي بمئات الأرواح و الأسر و الأحلام ... و بلا شك إسرائيل مسئولة عن هذه المجازر و يجب أن تدان و تعاقب (و ده مش هيحصل دلوقتي طبعا) و لكن في نفس الوقت السياسة قاصية .. السياسة لا تحتكم للأسف إلي المباديء و المثالية و لكن للواقع !! و عندما تكون في حديقة الحيوان لا تجد الأسود مطلقة و لكن مقيضة داخل أقفاص لأن الأسود لا تفهم إلا غرائزها .. و السياسة للأسف مرتعا للوحوش الإنسانية : فما إذا سلمنا أن نية حزب الله في خطف الجنديين الإسرائليين كانت الرد علي الظلم الإسرائيلي الذي جميعنا نراه .. أو ليست السلطة و القوة أمانة ؟؟؟ ما أريد أن أقوله هو أن الحكم علي من يعمل علي السياسة لا يكون فقط بمثاليته و أشعاره و لكن بمدي إرتباطه بالواقع و قدرته علي فهمه و بالتالي إستنتاج عواقب قراراته و أفعاله و هو ما فشل فيه حزب الله .... نعم بلا شك لم تستطيع إسرائيل أن تقضي علي حزب الله عسكريا و تكبدت العديد من الخسائر و لكن ما هي مكاسب لبنان ؟؟

كما نري الان لقد تحولت لبنان إلي أرض معركة بين قطب سوريا و إيران و حزب الله و قطب الولايات المتحدة و الدول العربية و إسرائيل ... لم يكتفي حزب الله بإتخاذ قرار خطف الجنديين الإسرائليين و عبور الحدود بدون الرجوع إلي السلطة الشرعية اللبنانية و لكن يمهد الان لإنقلاب علي حكومة السنيورة .. و ماذا يظن إذا ما وصل فعلا للحكم حتي و لو تحت غطاء حكومة الوحدة الوطنية ؟؟؟ أين سيكون لبنان أنذاك ؟؟؟ حزب الله لا يؤمن بشرعية الحكومة اللبنانية و لا ينتمي أساسا للبنان و لقد أظهر هذا في أكثر من مناسبة بغض النظر عن تصريحاته ... و يكفي أن الخوميني صرح بأن لبنان ستشهد صحق الأمريكان ؟؟ طب و إنت مالك يا عجوز بلبنان خليك في إيران و ثورتك المقدسة !!!!

مالم تستطيع إسرائيل أن تحققه بجيشها ستحققه بالسياسة لأن الحكومة اللبنانية و التي يخضع لها الجيش (و الذي سيكون الغطاء للتمويل العسكري من الدول المناهضة لقطب سوريا و إيران) لن ترضخ لمطالب حزب الله و المعارضة ... و حتي إن إستسلمت فسيكون هذه دعوة لحرب أهلية جديدة بل و حرب عارمة علي لبنان نفسه من قبل إسرائيل و الولايات المتحدة !!! في أي حال النتيجة لن تكون في صالح لبنان أو الإنسان اللبناني و الحق هو أن أحدا من القطبين لا يبالي بلبنان ... ما يحدث الان في لبنان لن يفيد لبنان بأي شيء بل و سيقوم بإضرارها مثلما فعلت بها الحرب الغبية التي قامت في صيف 2006 : و لولا خوف السنيورة و إدراكه أن نصر الله لا يبالي أن تقام حرب أهلية جديدة مثلما لم يبالي بأرواح الناس عندما غامر مغامرته الطائشة : فهم عنده شهداء : و ذاك شرف أهم من حقهم في الحياة .. لولا ذاك الخوف لكان حاكمه محاكمة عسكرية بتهمة الخيانة العظمي لسيادة الدولة اللبنانية كما يجب أن يحاكم ...

أتمني اليوم الذي أري فيه لبنان لللبنانيين فقط حتي لا يكون هناك المزيد من الموت و العذاب و الدمار

Wael

Read more...

Maawlana - يا نهار اسود

يا نهار اسود

من المهم جدا على الواحد انه يدرك ان الحمار بيحب البرسيم و هذا الحب منبثق اصلا فى انه ما يعرفش غيره و مش محتاج ايضا غيره لانه ببساطة مبرمج ومتقولب كده فنصيحتى لكل من عنده مرونة فى تقبل النصيحة انه لما يحب يجامل حماره يأكله برسيم يعنى مش لازم تقدم له تورتة ولا جاتوه وبعدين مش لازم تشرحله النظرية النسبية لاينشتين ولا توضح له مدلولات الاعمال الفنية ل ليوناردو دافينشى ولا تكلمه عن الفضاء الخارجى ولا فى السى بلاس بلاس و لا فى قصة جميلة او كتاب مفيد او حتى الموسيقى ولا فى نظرية التذوق الفنى ولا ولا ولا ولآآآآآآآآآآا لغاية يوم القيامة يا نهار اسود لأنه حماااااااااااااار!!

منا هنا لا تكتأب عندما لا يقدر عملك العبقرى اوتنتحر لولم تعمل العمل الى انت بتحبه و مؤهل له بجدارة لأن "النظام حمار لأنه هذا النظام مش هيفهم ولا هيحس بك ولو ادركت ذلك سريعا صدقنى هتتجنب الكثير من المشاكل معه لأن دى قدراته ...نعم اصطدم بهذه الحقيقة "النظام حمار" ...

فى الحدود دى يتم معاملته يعنى مثلا لو انت عبقرى و ابدعت عمل فريد مش لازم تعرضه على الحمار لان كل همه انه يفشل(يخرج الفشل)البرسيم الى اكله لانه مطحون طول اليوم من الضرب بالكرباج و بعدين توقع جدا انه ممكن يقولك ان الى انت بتعمله ده حرام لانه مبرمج على "عقيدة البرسيم" و تبقى مصيبة سودة لو عجبه شغلك لأنك ستصدم بواقع آخر و هو ان "انت حمار"...

انا حقيقى مش عارف النظام الحميرى ده مودينا فين و مش قادر فعلا اشوف او حتى على الاقل اتصور اى رؤية مستقبلية لهذا النظام وده فى رأيي الشخصى ظلم كبير يظلم اى انسان غير مفيرس بفيروس الحمار ...

***مع الاعتذار الشديد لكائن الحمار الحممحمم انا لا اقصدك انت يا حممحمم فى هذا البلوج لان انت طيب كده لان دى خلقة ربنا الحلوة الى خلقها فيك انا فقط اقصد البشر الى بيحاولوا يبقوا زيك و ربنا خلقلهم العقل انهم يفكروا به...واى حمار من السابق ذكرهم فى هذا البلوج بيقرأ هذا الاعتذار فانا باكرر اعتذارى لك ثانى مرة ...

Maawlana

Read more...

Sherif - هل تغير مفهوم اخلاق الفرسان ؟

هل تغير مفهوم اخلاق الفرسان ؟

طالعتنا الصحف و من قبلها احاديث تدور في الشارع المصري عن هروب رجل أعمال آخر الا و هو "محمد بيومي" رئيس مجلس ادارة شركة الفرسان – لتجارة السيارات, جدير بالذكر أن شركة الفرسان هي من أكبر الشركات في مصر التي تقوم ببيع السيارات بنظام التقسيط وتملك العديد من معارض البيع بالإضافة إلى سوبر ماركت ضخم لبيع مستلزمات وقطع غيار السيارات.

و عن تفاصيل النصبة فقد تفاوتت التقديرات و لكن اقربها الى الصحة حتى الان كالتالي " أموال حاجزي السيارات من الشركة بلغت عشرات الملايين من الجنيهات في تقدير مبدئي, كما قامت شركات رينو وشيري التي تتعامل مع الفرسان بالتقدم ببلاغات ضد الشركة للحصول على حقوقهم المالية التي تتخطى 21 مليون جنيه ده غير طبعا مديونياته للبنوك", لأ و شوف الوساخة و الوطيان حتى الغلابة اللي شغالين في الشركة بتاعة جنابو غير انهم اتشردو هما و اسرهم بعد اغلاق الشركة و تحفظ الشرطة على جميع ممتلكاته مكنش بسلامته دافعلهم رواتبهم لشهرين سابقين و حتى الراجل المؤجر لاحد فروع الشركة لم يدفع له ايجار الشهرين السابقين.

ببساطة عمنا الفارس النصاب قفل الموبيل من اسبوع و اختفى من غير حتى م يقول السلامه عليكو لاخواته اللي تفاجئو هما كمان و حاليا مقبوض عليهم لأنهم شركاء له في الشركة و هما كمان في التحقيقات حملو اخوهم الفارس الكبير كامل المسئولية و الله عندهم حق مهو مأخدهمش معاه مكان مغار بسلامته...

انا مش عارف, هو الناس كل متيجي تفوق من مصيبة نصاب يطلع نصاب جديد!!

ولا يظهر الأرض دي بقت خصبة لترعرع النصب!!

و الله انا مبقتش عارف... حتى مبقتش عارف ابص لعم فارس النصب الجديد ده بقرف و لا بشفقة عليه... ايوه بشفقة عليه, مش يمكن اتعرض لضغوط اقتصاديه او اى مشاكل في تجارته ؟ و ده امر وارد جدا في ظل النظام الاقتصادي المصري الغير مستقر و الغير مبني على احصائيات و دراسات سوق صحيحة, فقط بعض التقارير المعسولة من ناس زى العسل.

يجي واحد يقولي بس ديه مش حجة علشان يهرب و يختفي كده و تختفي معاه حقوق البلد و الناس... هقولو اه عندك حق, معلش م هو اصل اخينا ده باين عليه حمار... ايوه انا بقول عليه حمار, حمار علشان مدورلوش على اى ابن مسئول كبير..

و يا سلام لو كان ابن المسئول الكبير كبير قوي اللي في بالي, علشان يشاركه حتى ولو على سبيل التشجيع كده و يقوله برافو... كان زمانه عنده اختيارات كتيره لحل الوضع اللي بقى فيه, لو كان عاوز يهرب بره البلد كان هربه هو و فلوسه و كمان عليهم بوسه, لو كان عاوز يقعد و عجبه الحال كان اخترعولو مليون طريقة و طريقة علشان يجدولوله المديونية بتعاته بالتقسيط المريح الأكثر راحة من تقسيط السيارات بتاعته, يعني حالة شبيهة بفارس قبليه بس ده كان ذكي اللي هو بتاع مشروع أرض الأوهام و قنوات الأوهام.. الأوهام وان و الأوهام تو... و كما صاحب مصانع شهدي للاجهزة الكهربائية و طبعا انا استخدمت اسامي حركية بس واضحة, حد بيسمع عنه اى حاجة دلوقي ؟؟ ولا الهوا و لا بخير و لا بشر بعد الضجة اللي عملتها البنوك معاه لأنه مبقاش بيسدد المديونية بتاعته... هس و لا كأن فيه حاجة حصلت, مهو طبعا الرقبة الجميلة المباركة سدادة.

من الأخر علشان الموضوع طول الراجل اللي اسمه محمد بيومي ده ولا قريبي و لا عمري شفته و لا حتى هعوز اشوفه و انا مش ببرر فعلته و انما ببصلها من منظور بعيد, و هو لو صح كلام الجرايد عليه ليس الا نصاب صغير لم تتعدى نصبته دي حاجز المليار, الدور و الباقي على اللي نصبو بعشرات المليارات و اما تم التكتيم عليهم او لم يتم التوصل اليهم و الى اموالهم المهربة خارج البلاد و طبعا مينفعش ننسى اللي بيسهللهم كل ده و اللي لسة بينصبو لحد دلوقتي...

ايا كان سيسدل الستار في يوم ما على هذه القضية او ستدخل في طي الكتمان و نحن في الأنتظار اي كان.... بس حبيت اقول ان الفروسية نبل و اخلاق و احترام و يظهر ان ده مبقاش موجود زي زمان.. و اللي يحب النبي يسقف...

Sherif

Read more...

Wael - إنتهي الدرس يا مصري

إنتهي الدرس يا مصري

من غير مقدمات و كلام إنشاء .. فاكرين موضوع السباق في طريق المطار إللي عيل خليجي بهيم طوح فيه كام بني أدم بعربيته ؟؟ و الطفل اللي فقد أسرته و شاف عربيتهم بتتحرق بيهم قصاد عينه في الطريق السريع عشان شاب سعودي عرص كان بيروش بالعربية بتاعته و خبطهم ؟؟ و فاكرين الحكومة الوسخة و الصحافة القذرة و الشعب النجس اللي نسي الموضوع ده ؟؟ كويس ...

قبل ما تفتكر إن هبتدي أشتم في الشعب و الحكومة اللي يستاهلوها أؤكدلك إن أنا كمان نسيت .. و منسيتشي بس الموضوع ده و لكن نسيت ألاف الدموع و الوشوش اللي شفت إنعكاسي عليها : نسيت اليوم اللي وعدت فيه نفسي إن حياتي هتكون تعبير عن اللي أنا فهمته و حسيته من العدل و الحب و الرحمة و القوة و الحق !! أنا كمان نسيت .. كلنا نسينا و بننسي الحاجات المهمة !!

المجموع .. الجامعة .. الشغل .. البت جاكلين .. الجنة .. النار .. أي حاجة ممكن تولعك من جوة لما الزراير الصح تتداس !! كل واحد همه مصلحته و خلاص أيا كان نوع المصلحة ... و أنا مش هزايد : أنا كمان عاوز مصلحتي !! أنا بني أدم أناني و عاوز مصلحتي و عشان كده البوست ده للناس الأنانيين اللي زيي !! لو إنت بتؤمن إن الأعمار بيد الله و محدش بيعيش أكثر من وقته أو لو إنت كنت من الإبئاء اللي بتنزل تجعر علي الحاجات اللي السياسيين و المجتمع عاوزينك تجعر عليها زي الماكينة : يبقي الكلام ده مش ليك !

الكلام ده للناس اللي مش بتقدر إنها تبقي سعيدة لإن سعادة الناس الثانين جزء من تركيبتهم .. الكلام ده للناس اللي بتعتبر حياة الأخرين و تجاربهم إمتداد لحياتهم هم .. الكلام ده للناس اللي بتشوف نفسها في غيرها !! .. الكلام ده للناس البائسة اللي زيي عشان مش بيعرفوا يخدوا مسكنات !! لو إنت شايف نفسك من الناس دي يبقي إسمعني كويس ..

في ناس كثيرة ممكن تتلام علي المأسي دي .. الحكومة الشحاتة أكيد : العيال الكلاب اللي كانوا راكبين العربيات و بلادهم القذرة المنحطة اللي قامت بحمايتهم !! الفلوس اللي بتشتري و تبيع ضماير الناس !! و كمان نظام العدالة القميء اللي إنتقاده في وجهة نظر المساكين اللي شغالين فيه فوق المسائلة ... و لكن لو سألتني مين أول واحد لازم تستجوبه : يبقي هو إنت !!

إنت لإنك بتسكت وقت ما المفروض ما تتكلم و لإنك بتتكلم وقت ما المفروض ما تسكت و تتعلم !! كلنا و أنا زيك بنحب المئلوف و الوضوح .. بحب أشوف حياتي ماشية في إتجاه معروف مشي عليه 1000000000 وحد قبلي لمئات السنين ! و لكن المصيبة إن المئلوف ده بقي هو السكوت و الخروج بأقل الخسائر كل يوم !! و عشان كده بالضبط هتفضل حياتنا رخيصة و هتفضل المصايب دي بتحصل و هيفضل سكاتنا بيشتري بفلوس رجال الأعمال و الخلايجة و الأخوة العربية و سيادة الدولة و البتنجان محشي الكسكسي !!

و لكن هييجيي اليوم لما في واحد يطق من الكلام ده و لا يعمل إعتبار لحياته هو شخصيا عشان يعمل أي إعتبار للحاجات الثانية دي و ساعتها محدش هيعرف يتكحم في الغضب .. و جايز ده ميغيرشي أي حاجة و لكن هيفضل دايما واقع و جقيقة قدام الناس كلها .. إحني ممكن نفوق !!!!

إنتهي الدرس يا مصري .. جه وقت التطبيق !!

Wael

Read more...

Sherif - مهرجان سنيما القصص و المناظرٍ

مهرجان سنيما القصص و المناظر

مع بداية مهرجان القاهرة السنيمائي تذكرت مقولة ساخرة من احد الأفلام, تسخر من نظرة نظرة رجل الشارع المصري لمهرجان القاهرة السنيمائي, وهي كالتالي: "هو الفيلم ده قصة ولا مناظر؟".

و يتضح لنا من المقولة السابقة ان التصنيف من وجهة نظر رجل الشارع المصري هو تصنيف جنسي للافلام المعروضة بالمهرجان بحيث تنقسم افلام المهرجان الى افلام بها مشاهد جنسية و افلام اخرى بها قصص جنسية و لا عجب و لا حتى سخرية من هذا التصنيف و كيف نتسائل عن رؤيته لمهرجان سنيمائي و الأغلبية العظمى منه اميين و الجزء المتبقي من الأقلية اغلبيته يقف حد تعليمه عند كتابة اسمه و عنوانه و لم يطلع يوما على ثقافة خارجية و تقف وجهة نظره عن الغرب انه مجتمع جنسي منحل و حيث ان رجل الشارع قد اعياه الكبت الجنسي بالأضافة طبعا للجهل الشديد فاصبح هذا المهرجان السنيمائي الذي من المفترض به ان يرفع راية الثقافة و التعارف بين ثقافات الشعوب اذا به يدنسها ويرفع بدلا منها راية الجنس.

* الى من يهمه الأمر

وصلة لجداول عروض الأفلام المشاركة بالمهرجان و اماكن عرضها:

http://www.cairofilmfest.org/Cinema/ConferenceSchedule.aspx

Sherif

Read more...

ٍSherif - زمن العبودية لم ينتهي

زمن العبودية لم ينتهي

كلما سمعت خطيبا او قرأت مقالا عن ان زمن العبودية قد انتهى و ولى, كانت هذه الصورة تظهر امامي كصورة من صور عبودية الانسان لأخيه الانسان في زمننا هذا, الا وهى استخدام المجندين الذين وجب عليهم اداء الخدمة لوطنهم و توظيف هذه الخدمة الجليلة بطريقة محتقره دنيئة و بأسلوب شبه مقنن للعبودية.

اذا كان لابد من تعيين مجنديين تحت اوامر البيه الضابط فيجب الا يخرج تعيينهم هذا عن اطار مساعدته في المهام الموكلة اليه داخل محيط عمله و الا تمتد الى حياته الخاصة و وضعه تحت امر اسرته و عائلته باستخدامهم كخدم خاص له او بمعنى اخر قد يكون اشد قسوة و لكنه اكثر تعبيرا "عبد" للبيه الضابط.

لا يمكن ان تكون الحجة لهذا الاستعباد المهين هو كثرة اعداد المجندين, لأن هذا ليس بمبرر لاستعبادهم خلال الثلاث سنوات مدة خدمتهم, بل الاولى هو الأستغناء عن الأعداد الفائضة عن الاحتياج و تركهم لممارسة اي عمل يفيد المجتمع و يا حبذا لو كان في مجال الزراعة خاصة ان معظم المجندين من غير حملة الشهادات هم من أصول ريفية و ان لم يكن فيمكن توجيه الاعداد الفائضة في مجال الصناعة سواء كانت صناعات حربية او لسلع استهلاكية من انتاج المصانع الحربية, ايا كان ليس كثرة اعداد المجندين هو مبرر لأستخدامهم كعبيد.

* الصورة لمجندين في برد الشتاء القارص, يحاولون قدر المستطاع الحفاظ على ما تبقى من حرارة اجسادهم عن طريق هذا الكشك الخشبى وقد غالبهم النعاس في وقت خدمتهم كأمر طبيعي لوضعم في ظروف قهرية قاسية من أجل خدمة البيه...

Sherif

Read more...

Sherif - مصر الحلوة

مصر الحلوة

بصراحة بقى انا قرب يجيلي اكتئاب من البلوج ده من كتر النقض, بس برجع و اقول هو احنا لقينا حاجة عدله في البلد دي علشان نشكر فيها او نرقص و نهلل ليها...

ما علينا المهم انا قلت اكتبلكو عن خبر وجدته باحدى الصحف الرسمية, تحت عنوان "مريام المصرية خامس ملكات الأرض" و يقول الخبر "بعد عودتها من مانيلا, تعيش مريام جورج ملكة جمال مصر 2005 وسط اجواء من السعادة البالغة لفوزها بالمركز الخامس على العالم في مسابقة ملكة جمال الأرض و قد اختيرت كواحدة من افضل ثماني فتيات شاركن في المسابقة التي شاركت فيها 84 دولة" هى دى مصر الحلوة.

خبر جميل بنقلهولكو مع صورة أجمل بعد سلسلة اخبار العم فاروق و ديدان المعارضة و الجماعة البهائية...الخ, يمكن مفضلش خلاص في مصرمن جمال الا الجمال ده!! "اخ" أسف و جمال ابن ابوه... معلش نسيت مع انها مش حاجة تتنسي بس مهوبقى قليل لما بشوف اي شئ جميل في الشارع المصري دلوقتي, الشوارع مليانة زبالة من كل نوع... مقالب زبالة و بشر ازبل و ازبل...حتى البنات الحلوة اختفو و خايفيين من التحرش...

Sherif

Read more...