Wael - إعجوبة مصر الرابعة - شيكلتز, تركواز و شيشة
>> الاثنين، نوفمبر 13، 2006
إعجوبة مصر الرابعة - شيكلتز, تركواز و شيشة
بالمصطلح إنه مفاهيم المجتمع متسيدها الدماغ الوسخة بتاعة الرجالة الفاشلين في كل حاجة من أول النيك مرورا بالشغل و نهاية بإنه يحس و لو بجزء ضئيل من السعادة ! و بلاش تفهموني غلط .. أنا مش من الناس اللي هتدي محاضرات عن دور المرأة في المجتمع و الكلام الممل ده .. الست في الأخر ست , أه بتعرف تشغل عقلها و بتعرف تبدع و لكن بارضو عندها جمال و عندنا إحنا كرجالة إنجذاب طبيعي للجمال ده .. ما عليناطيب طالما أنا مش هتكلم عن حقوق المرأة و البطاطس دي, هتكلم عن إيه ؟؟
يعني كونك وصلت للمرحلة دي من البوست معناه يا إما إنت مهتم تعرف لسبب ما أو إنك مش وراك أي حاجة تعملها .. في كل الأحوال إنت عاوز تعرف أنا أقصد إيه
الموضوع ببساطة إن في القرن الواحد و العشرين في لسة ناس بهايم بتبرط مابين أكل اللبان و الشذوذ الجنسي أو المياعة و في بعض الأحيان الشرمطة ... مرة كنت راكب مع سواق تاكسي و كان بيحكيلي عن زبون إتخانق معاه علي الأجرة و إزايي إنه "عيل بلبانة" كسكس أول مانزله من الباب ... الظريف في الموضوع إن أنا كنت باكل لبانة و إختلفت معاه فعلا في الأجرة و كانت النتيجة إن الراجل هو اللي كسكس و قال عوضي علي الله (قال يعني هو بيعرف ربنا) و فلق .. الفيصل هنا كان ببساطة إنه حسبها بعقله أنا قده بتاع 4 مرات و و باين عليا أرفان يعني الخناق معايا مش هيجيب همه !! ههههه
مرة تانية بارضو كنت واقف مع عيال في الجامعة زماااااااان , يفترض إنهم متفتحين, و كانوا بيتريقوا علي واحد صاحبهم لابس لون فاقع كدة (زي بدل المعرصين) و قال إيه بيسألوا (هو في راجل يلبس اللون ده؟؟؟) طيب هو إيه علاقة اللون بتصنيفه البيولجي ؟؟؟ يعني في مثلا لو في حد من السادة المتابعين بيحب كمال الأجسام أكيد هيبقي عارف لون المايو المعرص اللي كان بيلبسه روني كولمان .. هل الراجل ده مثلا خول ؟؟؟
أخيرا بقي موضوع الشيشة ... أنا فاكر زمان كنا في كافيه مع بنات و ولاد من الجامعة و كان في واحدة من اللي معانا بتشيش .. الكلام كان عليها وقتها إنه إزااااااااااااااااي (و لازم يبقي فيها نبحة) واحدة بنت تشيش ؟؟؟؟؟ دي أكيد مخرومة و بتاخد فيها .. البنوتة الظريفة دي سألتني يوميها بليل إن كانت عملت حاجة غلط, و أنا عشان وقتها كنت عيل أهبل, قلتلها أه عشان كلام الناس .. طب الناس دي أصلا مكانها الطبيعي في المياه الوسخة اللي بتنزل من أكياس الزبالة السوداه , ليه تهتمي بيهم أصلا ؟؟
الخلاصة هي إن المجتمع المصري بيتميز عن غيره بمفهوم الشيكلتز اللي بيطبق زي ما إحنا شفنا بطريقة مختلفة ... (شك شك) ههههه
Wael
المشاركات
5 comments:
dee fa3lan moseebetna yaa wael en 2e7naa fee nass fee mo3azm el 2ommor maa bete3rafsh temaiezz maa bain el batee7' wee el nadyee el 2ahly 2aoo maa bain el bala3aa wee thawrit 23 yolyo, waa min wegghit nazzar ba3d el nass el ta3bana en kolo zayee ba3doo !!!
post mas5ara ya wael, heya fe3lan balad wes5a, bas 3aref eh a3'rab 7aga ? en ana kol yom basma3 kelmet "di balad wes5a" di 100 marra, allah!!! omal meen ely mewasa5ha ba2a!!
Emam.
Beeka !
Akheeran 3adeet 3ala el blog .. Menawar walahy
El mohem enta ma3ak 7a2; Dayman ely mewasakh el balad yad khafaya men3rafshy 3anha 7aga ! We lazem na3taref en el fard el masry zat nafsoh beyta7amal goz2 men el mas2oleya !
da norak ya wael walahy, 3la fekra mesh awel mara ad5ol elblog ana aret kol ely ento katbino we 3agbany ara2kom gedan.
3aref ya Wael; elnas fe masr etzalamo, ya3ny homa gahala we mota5alefeen we hamag we mo2zeyeen we ma3andohosh ay e7teram lel7oreyat , we fi hena no2ta mohema, elnas di zorofha men fa2r we tasarob men elta3leem we en la2o elta3leem fa beykon ta3leem 5ara, we elser2a we elbatala, kol da sahem felwad3 elmozry lelsha3b..
laken fel a5er ana weselt le mar7ala eny mesh ader ata3ataf ma3a elnas, elhamageya wel azeyah ta3adet kol el7odod.. she2 mo2sef.
ِmola7zetak fee ma7alaha .. fee so2al fe3lan lazem yetgaweb .. hal el insan nateeget mogtama3oh we be2eto we zerofoh fakatt ?? law kan dah el 7al gayez yeb2a ma3ak 7a2 ; wel nas teb2a mazlooma ..
إرسال تعليق